अ
+
अ
अ
-
काठमाडौं- प्रहरीले कर्तव्य ज्यान र ज्यान मर्ने उद्योगको फरार अभियुक्तलाई ३ वर्षपछि पक्राउ गरेको छ ।
पक्राउ पर्नेमा सिन्धुलीको कमलामाई नगरपालिका-१० घर भई हाल काठमाडौंको नैकाप बस्दै आएका २५ वर्षीय मुण्डा भन्ने सरोज सुन्दास रहेको प्रहरीले जनाएको छ।
काठमाडौं उपत्यका अपराध अनुसन्धान कार्यालयबाट खटिएको विशेष टोलीले उनलाई नैकापबाट पक्राउ गरेको हो।
प्रहरीका अनुसार २०७५ साल मंसिर ८ गते दिउँसो तीनकुने गैरीगाउँस्थित पेट्रोलपम्प नजिकै महेश परियार, मनिष बाँनिया र मुण्डा भन्ने सरोज सुन्दासले चक्कु प्रहार गरी हत्या गरेका थिए।
पक्राउ परेका उनलाई आवश्यक कारबाहीको लागि काठमाडौं जिल्ला अदालत पठाइएको प्रहरीले जनाएको छ ।
भर्खरै
लोकप्रिय
