काठमाडौँ – भरतपुर महानगरपालिकामा ५५ हजार ६८० मतको गणना सकिएको छ।
भरतपुरमा एक लाख २७ हजार ८३९ मत खसेको थियो।
महानगरको वडा नं १ देखि १० सम्मको मतगणना सकिँदा ४६ हजार १२३ मतगणना सम्पन्न भएको छ।
अहिले भरतपुरका वडा नं ११ र १२ मा मतगणना जारी रहेको छ। वडा नं ११ मा हालसम्म छ हजार ५८२ र वडा नं १२ मा दुई हजार ९७५ मतगणना गरिएको छ।
महानगरको मतगणनाअनुसार पाँचदलीय गठबन्धनबाट प्रमुख र उपप्रमुखमा अग्रता कायम रहेको छ।
प्रमुखमा गठबन्धनबाट उम्मेदवार रहेकी माओवादी केन्द्रकी रेनु दाहालले तीन हजार २६७ मतले अग्रता लिएका छन् भने उपप्रमुखमा कांग्रेसका चित्रसेन अधिकारीले नौ हजार ३४३ मतका साथ अग्रता लिएका छन्।
प्रमुखमा दाहालले २१ हजार ८५ मत प्राप्त गर्दा नेकपा एमालेका विजय सुवेदीले १७ हजार ८१८ र स्वतन्त्र उम्मेदवार जगन्नाथ पौडेलले आठ हजार २६ मत प्राप्त गरेका छन्।
यस्तै, उपप्रमुखमा अधिकारीले २३ हजार ४८७ मत प्राप्त गर्दा राप्रपाकी हिमला गुरुङले १४ हजार १४४ मत प्राप्त गरेका छन्।
गणना भइरहेका वडामा एमालेका उम्मेदवार अग्रस्थानमा रहेका छन्।
यसअघि गणना भएका १० वडामध्ये सातमा कांग्रेस, दुईमा नेकपा एकीकृत समाजवादी र एउटामा एमाले विजयी भएका छन्।
भर्खरै
लोकप्रिय
