टेक्सासमा एक स्कुलमा किशोरले अन्धाधुन्ध गोली चलाउँदा १८ बालबालिकासहित २१ को मृत्यु

अमेरिकी राज्य टेक्सासको युभाल्ड सहरमा बन्दुकधारीले त्यहाँको समयअनुसार मंगलबार इलेमेन्टरी स्कुलमा पसेर अन्धाधुन्ध गोली चलाउँदा १८ बालबालिकासहित २१ जनाको ज्यान गुमेको छ।

टेक्सासको सार्वजनिक सुरक्षा विभागका अधिकारीहरुका अनुसार अन्धाधुन्ध गोली चलाउने ती १८ वर्षीय किशोर पनि घटनामा मारिएका छन्। अन्धाधुन्ध गोली चलाउने ती किशोरको नाम साल्भाडोर रामोस भएको बताइएको छ।

घटनामा ती किशोर एक्लै संलग्न रहेको प्रहरी अधिकारीले बताएका छन्।

दक्षिणी टेक्साको युभाल्डस्थित रब इलेमेन्टरी स्कुलमा पसेर ती किशोरले बालबालिकाहरुमाथि अन्धाधुन्ध राइफल चलाएका थए।