अवैध रूपमा हात्तीको दाँत राखेको आरोपमा दक्षिण भारतीय अभिनेता मोहन लाल कानुनी मामलामा पर्ने भएका छन्। उनीविरुद्ध वन्यजीव अपराध मामलामा मुद्दा दर्ता गर्ने तयारी भएको छ।
किनकि तल्लो अदालतले उनीविरुद्ध परेको अभियोजन कारवाहीलाई फिर्ता लिनका लागि राज्य सरकारले दिएको निवेदनलाई खारेज गरिदिएको छ। प्रथम श्रेणी मजिस्ट्रट कोर्ट पेरुम्बवुरले निवेदन खारेज गरेका हाे।
केरला सरकारले आफ्नो निवेदनमा मामिलालाई आधारहीन बताउदै अदालतसमक्ष मुद्दा बन्द गर्न आग्रह गरेको थियो। सहायक लोक अभियोजकले मुद्दालाई अगाडि बढाउनु निरर्थक अभ्यास र अदालतको महंगो समयको बर्बादी भनेको थियो।
यद्यपि, वकिल अब्राहम पी मेन्चिकाराले अभियानलाई फिर्ता लिनुपर्ने कुराको विरोध गर्दै मोहनलालसँग हात्तीको दाँतको स्वामित्वको प्रमाण पत्र नभएको अवस्थामा मुद्धालाई फिर्ता लिनु आधारहीन हुने बताए।
‘हात्तीका दाँतको जोडी पाइएको थियो, जबकि १३ हात्ती दाँत कलाकृतिहरूका लागि अभिनेताका विरुद्ध कुनै पनि मुद्धा चलेन’, उनले भनेका छन्।
सन् २०१२ मा आयकर अधिकारीहरूले मोहनलालको घरमा छापा मार्दा चार हात्तीका दाँत भेटेको थियो, त्यसपछि उनीविरुद्ध उजुरी परेको थियो।
भर्खरै
लोकप्रिय
