अ
+
अ
अ
-
ललितपुर – अवैध हातहतियार (खरखजाना) पेस्तोल र गोलीसहित ललितपुरबाट एक जना पक्राउ परेका छन्।
पक्राउ पर्नेमा ललितपुर महालक्ष्मी नगरपालिका-८ लुभुका ५३ वर्षीय श्यामश्रेष्ठ रहेको जिल्ला प्रहरी परिसर ललितपुरले जनाएको छ।
ललितपुर-४ कृष्ण मन्दिरदेखि २०० मिटर पूर्व इमाडोल लुभु सडक खण्डमा श्रेष्ठले चलाएको प्रदेश ३-०२-०१ प ६२४१नै को रातो रङको स्कुटरबाट सो सामान बरामद गरीएको प्रहरीले बताएको छ।
अनुसन्धानको क्रममा प्रहरीले पेस्तोल १ थान, पेस्तोलको खाली म्याग्जिन, पेस्तोलमा लाग्ने गोली(बुलेट) २ थान, रातो रङको स्कुटर १ थान र हुवाइ कम्पनीको कालो रङको मोबाइल १ थान बरामद गरेको छ।
थप अनुसन्धान भइरहेको प्रहरीले जनाएको छ।
भर्खरै
लोकप्रिय
