काठमाडौँ- नेपाल राष्ट्र बैंक सञ्चालक समितिले मौद्रिक नीति जारी गरेको छ।
नेपाल राष्ट्र बैंकले आर्थिक वर्ष ०७९/८० को मौद्रिक नीति सार्वजनिक गरेको हो। कार्यदिशा तयार पर्दा मुख्य रुपमा मुल्यमा परेको चाप र बढ्दो चालु खाता एवम् शोधानान्तर घाटाका कारण बाह्य क्षेत्रमा परेको दबावलाई केन्द्रमा राखिएको छ।
नेपाल सरकारको नीति तथा कार्यक्रम, बजेटका लक्ष्य र प्राथमिक्ता, वर्तामान आर्थिक तथा वित्तीय स्थिति एवम् सरोकारवाला निकायहरुबाट सुझाब समेटेर मौद्रिक नीति जारी गरिएको हो।
आर्थिक वर्ष ०७९/८० मा विस्तृत मुद्रा प्रणालीको बार्षीक वृद्धिदर १८ प्रतिशत रहने अनुमान गरिएकोमा जेठ मसान्तसम्मा वार्षिक वृदिदर ९ प्रतिशत कायम भएको छ।
चालू आर्थिक वर्षको आर्थिक वृद्धि औसतभन्दा उच्च रहने गभर्नर महाप्रसाद अधिकारीले प्रक्षेपण गरेका छन्।
कोभिड महामारीले उत्पादन क्षमता घटेका उद्योगहरूको क्षमता वृद्धि हुँदा आर्थिक वृद्धिमा सहयोग पुग्ने उनले बताएका छन्।
चालू आर्थिक वर्षमा कृषि क्षेत्रमा भएको रासायनिक मलको अभावले भने आर्थिक वृद्धिको लक्ष्यमा चुनौती खडा गर्ने अनुमान गरिएको उनले बताएका छन्। त्यस्तै बाह्य क्षेत्र (अमेरिकी डलरको मूल्य वृद्धि, व्यापार घाटा लगायत) ले पनि आर्थिक वृद्धिको लक्ष्यमा चुनौती खडा गर्ने उनले बताए ।
यसका साथै, रुस–युक्रेन युद्धका कारण विश्वव्यापी रूपमा बढेको मूल्यवृद्धि समेत आर्थिक वृद्धिको लक्ष्यमा चुनौती बनेर आउन सक्ने राष्ट्र बैंकको आँकलन छ ।
भर्खरै
लोकप्रिय
