काठमाडौँ- काठमाडौँको काभ्रेस्थलीमा एकै परिवारका चारजनाको हत्या भएको छ।
तारकेश्वर नगरपालिकास्थित काभ्रेस्थलीमा सोमबार बिहान एकै परिवारका चारजना मृत फेला परेको प्रहरीले जनाएको छ।
काठमाडौँका प्रहरी प्रमुख भरत बोहराका अनुसार एकै परिवारका बाबुआमा र छोराछोरी मृत फेला परेका हुन्।
काठमाडौँ महानगरीय प्रहरी परिसरका एसपी दिनेशराज मैनालीसहितको टोली घट्नास्थलमा खटिएको छ।
मृत्यु हुनेमा दिनेश पाण्डे, उनकी श्रीमती सुनिता काप्री पाण्डे र उनीहरुका छोराछोरी छन्।
प्रत्यक्षदर्शी तथा वडा सदस्यसमेत रहेका किशोर भण्डारीका अनुसार उनीहरु चारै जनाको शव कोठामा हत्या गरिएको अवस्था फेला परेको हो।
‘मृत्युभएका मध्ये दुई जनाको शव खाटमा देखिएको छ भने नानीबाबुहरु (छोराछोरी) को शव भुईँमा देखिएको छ,’ उनले भन्छन्, ‘सबैजनाको शवमा केही न केही चोट देखिएको छ। त्यसैले पनि हत्या हो भन्न सकिन्छ।’
उनका अनुसार परिवारिक झैझगडा वा अन्य केहीसमेत नरहेको बुझिएको छ।
घट्नाबारे सोमबार बिहान करिब ९ बजे थाहा पाएसँगै स्थानीयले प्रहरीलाई खबर गरेका थिए।
भर्खरै
लोकप्रिय
