काठमाडौँ – अभिनेता पल शाहमाथि लागेको बलात्कार आरोपको मुद्दामा आज तोकिएको सुनुवाइ स्थगित भएको छ। बलात्कार मुद्दामा पक्राउ परेका शाहको आज जिल्ला अदालत तनहुँमा पेशी तोकिएको थियो।
गोलाप्रथा गर्दा शाहको मुद्दा नपरेपछि आजलाई स्थगित भएको तनहुँ जिल्ला अदालतका श्रेस्तेदार मिनबहादुर कुँवरले बताएका छन्।
उनी भन्छन्, ‘आज पेशी तोकिएको थियो तर गोलाप्रथा गर्दा उहाँको मुद्दा नपरेपछि आजलाई स्थगित भएको हो।’
नाबालिगलाई बलात्कार गरेको आरोपमा शाह ५ महिनाअघि पक्राउ परेका हुन्। उनी पुर्पक्षका लागि तनहुँ कारागारमा छन्।
नाबालिकामाथि जबरजस्ती करणी गरेको भन्दै ११ फागुनमा तनहुँ जिल्ला प्रहरी कार्यालयमा उजुरी परेको थियो। शाहले भने १५ फागुनमा प्रहरीसामु आत्मसमर्पण गरेका थिए।
शाहमाथि जिल्ला अदालत नवलपुरमा पनि बलात्कारको अर्को मुद्दा छ। नवलपुर अदालतले भने २१ भदौका लागि पेशी तोकेको छ। त्यसअघि भदौ ८ गते तोकिएको पेसी शाहकै वकिलको आग्रहमा स्थगित भएको थियो।
भर्खरै
लोकप्रिय
