अ
+
अ
अ
-
वैदेशिक रोजगारीका लागि मलेसिया पुगेका एक नेपाली नागरिकको मृत्युदण्डको सजाय परिवर्तन भएको छ। विहीबार नेपाली दूतावास क्वालालम्पुरले एक विज्ञप्ति जारी गर्दै यसबारे जानकारी दिएको हो।
धनुषाका सुरज देव शाह तेली कर्तव्यज्यानको अभियोगमा सन् २०१६ डिसेम्बरमा पक्राउ परेका थिए। उक्त मुद्धामा इपो उच्च अदालतले सन् २०२० अगष्टमा मलेसियाको फौजदारी सहिंताको दफा ३०२ बमोजिम मृत्युदण्डको सजाय तोकेको थियो।
उक्त फैसला र मृत्युदण्ड सजाय सम्बन्धमा गरिएको पुनरावेदनमा अदालतले बिहीबार तेलीको कसुरलाई मलेसियन फौजदारी संहिताको दफा ३०२ बाट दफा ३०४(क)मा परिवर्तन गरी बाह्र वर्ष जेल सजाय कायम गरेको हो।
र उक्त सजाय सकिएपछि तेली नेपाल फर्कन सक्ने दुतावासले जनाएको छ।
भर्खरै
लोकप्रिय
