काठमाडौँ – निलम्बित प्रधानन्यायाधीश चोलेन्द्र शमशेर राणाले महाभियोग छानबिन समितिमा आफूले दिएको बयानको लिखित कपिमा हस्ताक्षर गरिसकेका छन् ।
शुक्रबारदेखि सुरु भएको हस्ताक्षर शनिबार बिहान सकेपछि समितिले अब पुरक प्रश्न सोध्ने तयारी गरेको छ ।
सुरुमा समितिमा राणाले समग्रमा हस्ताक्षर गर्ने भनेका थिए । तर, एमाले सांसदहरुले सबैमा हस्ताक्षर गराउनुपर्ने कुरा उठाएपछि राणाले हस्ताक्षर गर्न मानेनन् । राणाको इच्छा अनुसार नै नेपाली कागजमा लिखित बयान उतारिएको थियो ।
महाभियोग छानबिन समितिले पुरक प्रश्न गर्दै प्रतिवेदन लेख्ने तयारी गरेको छ । समितिले बयान सकेर प्रतिवेदन बुझाउने तयारी गरेको बताएको छ। संसद्को अन्तिम कार्यकाल आज भएकाले प्रतिनिधि सभामा प्रतिवेदन बुझाउने तयारी समितिले गरेको छ ।
राणाविरुद्ध फागुन १ गते महाभियोग प्रस्ताव दर्ता भएको थियो । सत्ता पक्षका ९८ सांसदले राणाविरुद्ध २१ आरोप लगाउँदै महाभियोग दायर गरेका थिए । प्रतिवेदन लेख्नका लागि समितिले राणाको सम्पत्ति विवरण पनि झिकाएको छ ।
जबराको बयान १७४ पृष्ठ लिखत भएको छ । शुक्रबार ६५ पृष्ठमा हस्ताक्षर भएको थियो । बाँकी पृष्ठमा उनले हस्ताक्षर गरिसकेका छन् । उनले एक/एक पढेर हस्ताक्षर गरेका हुन् ।
भर्खरै
लोकप्रिय
