डेनमार्क र ट्युनिसियाले अंक बाँडे

काठमाडौं- विश्वकप फुटबल अन्तर्गत मंगलबार  साँझ भएको समूह ‘डी’ को खेलमा डेनमार्क ट्युनिसियासँग गोलरहित बराबरीमा रोकिएको छ।

डेनमार्कले ट्युनिसियालाई दबाबमा राखेपनि गोल गर्न नसक्दा खेल बराबरीमा सकिएको हो।  जारी प्रतियोगितामा यो पहिलो गोलरहित बराबरी खेल हो। 

दोहाको एजुकेसन सिटी स्टेडियममा मंगलबार भएको खेलमा डेनमार्कले ६१ प्रतिशत खेल पोसेसनमा राखेको थियो। ट्युनिसियाले भने केहि काउन्टर याट्याकमा गोलको प्रयास गरेपनि गोल गर्न सकेन्।

बराबरीसँगै समूह ‘डी’ को शीर्ष स्थानमा रहेको ट्युनिसियाले १ अंक जोडेको छ। दोस्रो स्थानमा रहेको डेनमार्कको एक अंक रहेको छ। डेनमार्क र ट्युनिसियाबिच पहिलो पटक प्रतिस्पर्धा भएको हो।