५ मिनेट भित्र अर्जेन्टिनाको दुई गोल

विश्वकप फुटबल  अन्तर्गत जारी सेमिफाइनल खेलमा अर्जेन्टिनाले ५ मिनेट भित्र दुई गोल गर्दै खेलमा २-० को अग्रता हासिल गरेको छ। ३४ औ मिनेटमा पेनाल्टीमार्फत अग्रता बनाएको अर्जेन्टिनाले ३९ औ मिनेटमा अग्रता दोब्बर बनाएको थियो।

खेलमा जुलियन अल्भारेजलाई  क्रोएसियन गोलरक्षक लिभाकोभिकले फल गरेपछि पाएको पेनाल्टीलाई लियोनेल मेसीले गोल गर्दै अर्जेन्टिनालाई सुरुवाती अग्रता दिलाएका थिए। चार मिनेट पछिनै अल्भारेजले काउन्टर याट्याकमा गोल गर्दै टिमलाई २-० को अग्रता दिलाए।