‘सेती खोंचमा माछा मारिरहेको थिएँ, बम पड्केजस्तै आवाज सुनियो’

पोखरा – कुमार आले आइतबार १० बजेपछि सेती खोंचमा माछा मार्न झरेका थिए। केहीबेरमा एक्कासी गड्याङगुडुङ आवाज आयो। बम पड्केजस्तै आवाज सुनियो।

यती एयरको जहाज खसेर आगलागी भयो। ढुंगा खसेर उनको खुट्टामा सानो चोट लागेको छ।

‘ओडारमा बसेर बाँचेँ’, उनले भने।

भाग्यले बाँचेर ओडारबाट आफैं निस्किएका उनले भने, ‘बेहोस थिएँ, कति बेला उद्धार टोली आयो थाहा भएन।’

आले जहाज दुर्घटनास्थलनजिकै ब्लक उद्योगमा काम गर्छन्। उनका अनुसार दुर्घटनामा परेको जहाजको आधाभन्दा धेरै भाग सेतीको पानीमै खसेको छ।

उनीसँगै अर्का एक जना साथी पनि माछा मार्न गएका थिए। दुवै जना घाइते भएका छन्।