कलाकार ‘म्याकुरी’ प्रहरी नियन्त्रणमा

काठमाडौँ- कलाकार पवन खतिवडालाई प्रहरीले नियन्त्रणमा लिएको छ।

प्रहरीले मोरङको बेलबारी नगरपालिका-१ स्थित एक होटलबाट उनलाई नियन्त्रणमा लिएको हो।

जिल्ला प्रहरी कार्यालयका प्रवक्ता डिएसपी टीकाबहादुर कार्कीका अनुसार मादक पदार्थ सेवन गरी होहल्ला र कुटपिट गरेको आरोपमा उनलाई नियन्त्रणमा लिइएको हो। बेलबारी ४ का जीवन कार्कीलाई कुटपिट गरेको आरोप उनीमाथि छ। उनीसँगै रमेश भण्डारीलाई पनि प्रहरीले नियन्त्रणमा लिएको कार्कीले बताए।

हाल पीडित पक्षका आफन्तहरू प्रहरी कार्यालयमा रहेको र छलफल भइरहेको उनले बताएका छन्। मिलापत्र भएको अवस्थामा उनलाई आजै छाडिने छ।

पकाउ परेका कलाकार ‘म्याकुरी’ उपनामले परिचित छन्। उनको आफ्नो युट्युब च्यानल छ।