फेवा तालमा डुंगा पल्टिँदा घाइते भएकी वृद्धाको मृत्यु

पोखरा – शनिबार दिउँसो पोखराको फेवातालमा डुंगा दुर्घटना हुँदा घाइते भएकी वृद्धाको मृत्यु भएको छ।

पोखरा महानगरपालिका–१ बगरकी ७० वर्षीया याममाया गिरीको उपचारको क्रममा मृत्यु भएको जिल्ला प्रहरी कार्यालय कास्कीका सूचना अधिकारी डिएसपी श्रवण विकले बताए।

साढे ४ बजेका समयमा हावाहुरी चल्दा डुंगाबाट खसेकी उनको उद्वार गरेर उपचारका लागि गण्डकी मेडिकल कलेज पृथ्वीचोक ल्याइएको थियो।

डुंगामा सवार अन्य ५ जनाको सकुशल उद्धार गरेको प्रहरीले जानकारी दिएको छ।