पोखरा – तनहुँ १ मा आइतबार भएको उपनिर्वाचनको मतगणना जारी छ। २७ हजार ४४ मतगणना हुँदासम्म राष्ट्रिय स्वतन्त्र पार्टीका स्वर्णिम वाग्लेको अग्रता छ। वाग्लेले सुरुवातदेखि नै अग्रता कायम गरेका हुन्।
स्वर्णिमले १३ हजार ७४९ मत पाएका छन्। दोस्रो स्थानमा रहेका सत्ता गठबन्धनका उम्मेदवार नेपाली कांग्रेसका गोविन्द भट्टराईसँग स्वर्णिमको मतान्तर ५ हजार ७१३ छ। भट्टराईले ८ हजार ३६ मत पाएका छन्।
नेकपा एमालेका सर्वेन्द्र खनालले जम्मा ४ हजार ३९४ मत पाएका छन्। मंगोल नेशनल अर्गनाइजेशनका प्रेमबहादुर थापाले १११ मत पाएर चौथो स्थानमा छन्।
४२ मध्ये २० वडाको मतगणना सकिएको छ। सत्ता गठबन्धनको दबदबा रहेको भानु नगरपालिका र आँबुखैरेनी गाउँपालिकामा भट्टराईको पक्षमा अपेक्षा गरेको भन्दा कम मत खसेको छ।
तनहुँ १ मा ६३ हजार ७५७ मत अर्थात ५१.७० प्रतिशत मत खसेको छ। यो क्षेत्रमा १ लाख २३ हजार ३०५ मतदाता थिए।
भर्खरै
लोकप्रिय
