बुटबल- लुम्बिनी प्रदेशका मुख्यमन्त्री डिल्लीबहादुर चौधरीसहित ४ जना मन्त्रीले शुक्रबार शपथ लिएका छन्।
नेपाली काङ्ग्रेस संसदीय दलका नेता चौधरीसहित नेकपा माओवादी केन्द्रका धनबहादुर मास्की, लोसपाका सन्तोष कुमार पाण्डेय र नागरिक उन्मुक्तिका धर्मबहादुर चौधरी पहिलो चरणमा मन्त्री बनेका हुन्।
बुटवलस्थित लुम्बिनी प्रदेश प्रमुखको कार्यालयमा उनीहरूलाई प्रदेश प्रमुख अमिक शेरचनले शपथ ग्रहण गराएका हुन्। मुख्यमन्त्री चौधरी दाङ ३ (क) बाट निर्वाचित भएका थिए।
मास्की दाङको निर्वाचन क्षेत्र नम्बर ३ (ख), पाण्डेय रुपन्देही क्षेत्र नम्बर ३ (क) र चौधरी बर्दिया २ (ख) प्रदेशसभा क्षेत्र २ बाट गत मंसिर ४ गते भएको निर्वाचनमा निर्वाचित भएका थिए।
तीनै जना मन्त्रीहरूले बिनाविभागीय मन्त्रीको रूपमा शपथ लिएका हुन्।
दलहरूबीच मन्त्रालयको भागवण्डा नमिल्दा अरू मन्त्रीको शपथ हुन सकेन।
थप तस्बिरहरू: सीपी खनाल
भर्खरै
लोकप्रिय
