निर्णायक शक्ति को बन्ने अब? विदेशी कि नेपाली जनता?

द्वन्द्व समाधान अर्थात शान्ति प्रक्रिया र त्योसँग जोडिएको राजनीतिक एजेन्डा र परिवर्तनमा राजसंस्था र परम्परावादी शक्तिलाई निषेध गर्नुले नै आजको परिस्थिति उत्पन्न भएको हो। निषेधको त्यो राजनीतिमा भारत, पश्चिमा शक्ति र यूएनले आफ्नो हैकम र वर्चस्व स्थापित गर्ने चाहना राख्दै तदनुरुपको व्यवहार प्रस्तुत गरेकाले आजको अवस्था निम्तिएको हो। सबै पक्षको निर्णय र सहमतिले नेपालको दीर्घकालीन हित गर्छ र स्थापित विदेशी हैकम कमजोर हुन्छ भन्ने उनीहरुले बुझेका छन्।