काठमाडौं- ललिता निवास जग्गा अनियमितता प्रकरणमा प्रहरीले थप एक जनालाई पक्राउ गरेको छ ।
केन्द्रीय अनुसन्धान ब्यूरो (सीआईबी)को टोलीले मालपोत कार्यालय, डिल्लीबजारका पूर्व खरिदार गोपाल कार्कीलाई पक्राउ गरेको हो ।
सिआइबीले मुख्ययोजनाकार मानिएका मध्ये एक भाटभटेनी सुपरमार्केटका सञ्चालक मीनबहादुर गुरुङलाई मंगलबार नै पक्राउ गरेको छ । साथै उनीसँगै अन्य चार जनालाई समेत मंगलबार नै पक्राउ गरेको छ। पक्राउ पर्ने थप चार जनामा भूमि सुधार तथा व्यवस्था विभाग र मालपोत कार्यालय डिल्लीबजारमा तत्कालीन कर्मचारीहरू रहेका छन्।
मालपोत कार्यालय, डिल्लीबजारका तत्कालीन प्रमुख कलाधर देउजा, कर्मचारी सुरेन्द्रमान कपाली, धर्मप्रसाद गौतम र भुपेन्द्रमणि केसीलाई काठमाडौँका विभिन्न ठाउँबाट पक्राउ गरिएको ब्यूरो स्रोतले जनाएको छ।
यस प्रकरणमा पछिल्लो पटक डिल्लीबजार मालपोतका तत्कालीन कर्मचारी कार्की पक्राउ परेसँगै एकै दिन पक्राउ पर्नेको संख्या ६ पुगेको छ।
भर्खरै
लोकप्रिय
