काठमाडौँ – ललिता निवास जग्गा अनियमितता प्रकरणमा मंगलबार एकैदिन ७ जना पक्राउ परेका छन्।
सिआईबीले मुख्य योजनाकार मानिएका भाटभटेनी सुपरमार्केटका सञ्चालक मीनबहादुर गुरुङलाई पक्राउ गरेको छ । साथै उनीसँगै अन्य चार जनालाई समेत आजै पक्राउ गरेको छ। पक्राउ पर्ने थप चार जनामा भूमि सुधार तथा व्यवस्था विभाग र मालपोत कार्यालय डिल्लीबजारमा तत्कालीन कर्मचारीहरू रहेका छन्।
मालपोत कार्यालय, डिल्लीबजारका तत्कालीन प्रमुख कलाधर देउजा, कर्मचारी सुरेन्द्रमान कपाली, धर्मप्रसाद गौतम र भुपेन्द्रमणि केसीलाई काठमाडौँका विभिन्न ठाउँबाट पक्राउ गरिएको ब्यूरो स्रोतले जनाएको छ।
त्यस्तै, केन्द्रीय अनुसन्धान ब्यूरो (सीआईबी)को टोलीले मालपोत कार्यालय, डिल्लीबजारका पूर्व खरिदार गोपाल कार्कीलाई पनि पक्राउ गरेको छ ।
त्यस्तै, यस प्रकरणमा पूर्वनिर्वाचन आयुक्त सुधीरकुमार शाह पनि पक्राउ परेका छन्। ललितानिवासको जग्गा शाहको श्रीमतीको नाममा बकस लिएको अनुसन्धानमा देखिएको थियो। जसमा उनको समेत मिलेमतो रहेको भन्दै शाहलाई सिआईबीले पक्राउ गरेको सिआईबीकी प्रमुख एआइजी किरण बज्राचार्यले बताएकी छन्।
पक्राउ पर्नेहरु:
- भाटभटेनी सुपरमार्केटका सञ्चालक मीनबहादुर गुरुङ
- मालपोत कार्यालय, डिल्लीबजारका पूर्व खरिदार गोपाल कार्की
- पूर्वनिर्वाचन आयुक्त सुधीरकुमार शाह
- मालपोत कार्यालय, डिल्लीबजारका तत्कालीन प्रमुख कलाधर देउजा
- कर्मचारी सुरेन्द्रमान कपाली
- धर्मप्रसाद गौतम
- भुपेन्द्रमणि केसी
भर्खरै
लोकप्रिय
