कपिलवस्तुमा दाजुभाइको डुबेर मृत्यु

बुटवल- कपिलवस्तुमा दाजुभाइको पोखरीमा डुबेर मृत्यु भएको छ। कृष्णनगर नगरपालिका-५ बगहीका एकै घरका दाजुभाइको मृत्युपछि बगही शोकमा डुबेको छ।

रामअवतार यादवका छोरा सात वर्षीय साजन र पाँच वर्षीय राजनको घर नजिकैको पोखरीमा डुबेर मृत्यु भएको इलाका प्रहरी कार्यालयका प्रहरी निरीक्षक लक्ष्मण ओलीले जानकारी दिए।

खोजतलास गर्ने क्रममा बुधबार बिहान ७ बजे डुबेको अवस्थामा शव फेला परेको थियो। माटो निकालेर पानी जमेको पोखरीमा दाजुभाइको शव फेला परेको उनले जनाए।

मंगलबार बेलुकादेखि हराएका दाजुभाइको शव घर नजिकैको पोखरीमा फेला परेपछि तौलिहवा जिल्ला अस्पतालमा शव परीक्षण गरी परिवारको जिम्मा लगाइएको र घटनाको विषयमा थप अनुसन्धान भइरहेको प्रहरीले जनाएको छ।