पूर्व पाक प्रधानमन्त्री इमरान खानको तीन वर्ष जेलसजाय निलम्बित

पाकिस्तानको एक उच्च अदालतले पूर्वप्रधानमन्त्री इमरान खानलाई यसअघि दिइएको तीन वर्षको जेलसजाय निलम्बन गर्ने आदेश दिएको छ।

इस्लामाबाद उच्च अदालतले खानलाई यसअघि सुनाइएको तीन वर्षको जेल सजाय निलम्बन गर्न आदेश मंगलबार दिएको हो। खान प्रधानमन्त्री छँदा राज्यलाई प्राप्त भएका उपहारहरू तोसखानामा जम्मा गर्नुपर्ने तर उनले ६ लाख अमेरिकी डलरमा विक्री गरेको अभियोगमा उनलाई तीन वर्ष जेलसजाय गरिएको थियो।

तीन वर्षको जेलसजाय तोकिएलगत्तै खान पक्राउ परेका थिए। उता पाकिस्तानको निर्वाचन आयोगले खानलाई पाँच वर्षका लागि सार्वजनिक पद धारण गर्न रोक लगाएको थियो।

उच्च अदालतको आदेश खान बुधबारसम्म रिहा हुने अपेक्षा सञ्चारमाध्यमहरुले गरेका छन्।