पाकिस्तान विरुद्ध नेपालले चौथो सफलता हात पारेको छ।
सलमान ५ रनको अवस्थामा लेग स्पिनर सन्दीप लामिछानेको बलमा कुशल भुर्तेलद्वारा क्याच आउट भए।
सलमान आउट भएसँगै पाकिस्तानले १ सय २४ रन जोड्दा महत्वपूर्ण ४ विकेट गुमाएको छ।
त्यसअघि कप्तान बाबर अजाम र मोहम्मद रिजवानले ८६ रनको साझेदारी गर्दै टिमलाई १०० रनको स्कोर पुरा गराएका थिए।
यस्तोमा टिमको स्कोर १ सय ११ रन हुँदा रिजवान रनआउटको सिकार भएसँगै नेपालले तेस्रो सफलता प्राप्त गरेको हो।
रिजवान दिपेन्द्र सिह ऐरी द्वारा ४४ रनको अवस्थामा रनआउट भएका हुन्।
त्यसअघि नेपालले राम्रो सुरुवात गर्दै सस्तैमा पाकिस्तानका दुई ओपनरलाई पेभिलियन पठाएको थियो।
पाकिस्तानका लागि ओपनर फखर जमान १४ रनमा आउट हुँदा इमाम उल हक ५ रनमा आउट भए।
फखरलाई करण केसीले आउट गर्दा इमामलाई रोहितले रनआउट गरेका थिए।
अहिले पाकिस्तानले २८ ओभरको समाप्तीमा १ सय १३२ रन पुरा गर्दा चार विकेट गुमाएर खेलिरहेको छ।
क्रिजमा कप्तान बाबर अजाम ५१ रन बनाएर खेलिरहेका छन्। पाकिस्तानमा अजामको यो नवौ अर्धशतक हो। अजामलाई साथ दिन अहिले क्रिजमा इफ्तिखर अहमेद आएका छन्।
भर्खरै
लोकप्रिय
