आज भाद्रकृष्ण औँशी अर्थात् बुवाको मुख हेर्ने दिन। यस दिन छोराछोरीहरू परम्पराअनुसार आफ्नो पितालाई मन पर्ने खानेकुरा खुवाई आदर सम्मान प्रकट गर्दै पिताको मुख हेरेर मनाउने गर्दछन् । यस्तै, बुवा नहुनेले दिवंगत बुवाको सम्झनामा विभिन्न दान गर्ने गर्दछन् ।
आज राजधानीको उत्तरपूर्वी भेगस्थित गोकर्णेश्वर महादेव मन्दिर परिसरमा दिवङ्गत पितृका नाममा जलदान, सिदादान र पिण्डदान गर्न भक्तजनको भीड लागेको छ।
बुबा नहुनेहरूले यहाँ आएर आफ्ना बुबाको नाममा तर्पण, पीण्डदान तथा श्राद्ध गरी सिदा दिने परम्परा छ। आज काठमाडौंको पशुपतिनाथ, गोकर्णेश्वर लगायतका तीर्थस्थलमा भीड लागेको छ।
यस दिन गोकर्णेश्वरसँगै पशुपतिनाथ मन्दिर क्षेत्रस्थित बागमती नदी किनारमा आफ्नो पिता गुमाएकाहरूले श्राद्ध, पितृको नाममा तर्पण एवं पिण्डदान दिइ पितालाई सम्झनेहरूको भीड देख्न सकिन्छ।
थप तस्बिरहरू:
भर्खरै
लोकप्रिय
