के चीनमा प्रचण्ड नेपाली प्रधानमन्त्रीका रुपमा प्रस्तुत हुन सक्लान्?

प्रधानमन्त्री पुष्पकमल दाहाल प्रचण्डको अमेरिका र चीन यात्राको पूर्वसन्ध्यामा राजनीतिक बहस र अड्कलबाजी तीव्र हुनु अस्वाभाविक हैन। नेपालको आन्तरिक राजनीति विदेशीहरुले नै चलाउने हो र सरकारको स्थायित्वमा पनि उनीहरुकै हात हुन्छ भन्ने मान्यता नेताहरुले स्थापित गरेका छन्। जनताले पनि त्यो मान्यतालाई स्वीकार गरे भने नेपालको स्वतन्त्र हैसियतको सान्दर्भिकता र औचित्य रहँदैन। जनताले त्यो बुझ्दै जाँदा उनीहरुको आक्रोश ती नेताहरुविरुद्ध निर्देशित हुन थालेको छ। यो सुखद संकेत हो।