काठमाडौँ – वैदेशिक रोजगारीका लागि टर्की पठाइदिन्छु भन्दै करोडौं ठगी गरेको आरोपमा एक महिला पक्राउ परेकी छन्।
पक्राउ पर्नेमा पोखराको लेखनाथ टोल बस्ने ३२ वर्षीया सुरुची भुजेल रहेको नेपाल प्रहरीको केन्द्रीय अनुसन्धान ब्यूरोका प्रवक्ता नवराज अधिकारीले बताए। वैदेशिक रोजगार विभागले पठाएको पत्रका आधारमा सीआइबीको टोलीले भुजेललाई असोज ६ गते पोखराबाट पक्राउ गरेको हो।
ब्यूरोका अनुसार भुजेलसहितको संलग्नतामा पोखराका ४२ वर्षीय विनोद श्रेष्ठले सिर्जन कुमार राईसमेत ३० जनालाई टर्की पठाइदिन्छु भन्दै ठगी गरेका थिए।
भूकम्पपछि पुनर्निर्माणका लागि यूएनले सहयोग गर्ने उद्देश्यले मासिक १४ सय अमेरिकी डलर तलब दिने प्रलोभन देखाइ पीडितबाट १ करोड १५ लाख ९९ हजार ८ सय रुपैयाँ ठगी गरेको पाइएको प्रहरीले जनाएको छ।
काठमाडौँ जिल्ला अदालतबाट सात दिनको म्याद लिइ ठगीसम्बन्धी कसुरमा अनुसन्धान भइरहेको छ।
भर्खरै
लोकप्रिय
