काठमाडौँ – सरकारले दशैँ, तिहार, छठलगायत चाडपर्वलक्षित गरी आइतबारदेखि काठमाडौं उपत्यकासहित देशभर सुपथ मूल्य पसल सञ्चालनमा ल्याएको छ।
आइतबार उद्योग, वाणिज्य तथा आपूर्तिमन्त्री रमेश रिजालले देशभरका चाडपर्व लक्षित सहुलियत पसलको औपचारिक उद्घाटन गरे। खाद्य व्यवस्था तथा व्यापार कम्पनीको बागमती प्रदेशिक कार्यालय थापाथलीबाट मन्त्री रिजालले सहुलियत पसलको उद्घाटन गरेका हुन्।
सरकारले हरेक वर्ष देशभरका विभिन्न क्षेत्रमा खाद्य व्यवस्था तथा व्यापार कम्पनीमार्फत सहुलियत पसलहरु सञ्चालन गर्छ। जसअनुसार यो वर्ष पनि सरकारले उपभोक्ताको सहजताका लागि काठमाडौँ उपत्यका र बाहिर गरी ४९ बिक्रीस्थल राखेको छ।
खाद्य व्यवस्था तथा व्यापार कम्पनी लिमिटेडका प्रमख कार्यकारी अधिकृत मोहनप्रकाश चन्दले मुलुक भरका ४३ जिल्लाका ४९ स्थानहरुबाट आजदेखि सहुलियत पसल सञ्चालनमा ल्याएको बताए।
उनले सहुलियत पसलमा खाद्य वस्तुहरुका चामलमा प्रतिकेजी ७ र खाने तेललगायतका वस्तुहरुमा पनि ७ रुपैयाँ छुट दिएको बताए। उनले कर्णालीका उत्पादन गेडागुडी, खसी बोका र भेडा च्याङ्ग्रामा प्रतिकेजी १० रुपैयाँका दरले छुट दिएको बताए।
उनले लोककल्याणकारी राज्य होस् भनेर सरकारले चाडपर्वलक्षित सहुलियत पसल सञ्चालन गरेको १० वर्ष भएको बताए। उनले सरकारले खाद्य वस्तुहरुको उपलब्धता सहज रुपमा बनाएको बताए। उनले घुम्ति पसल पनि सञ्चालन गर्ने तयारीमा रहेको बताए।
भर्खरै
लोकप्रिय
