अ
+
अ
अ
-
काठमाडौँ – विश्वकप फुटबल छनोटको पहिलो चरणको खेलमा नेपाल र लाओसबीचको खेल बराबरीमा सकिएको छ। पहिलो लेगअन्तर्गत बिहीबार दशरथ रंगशालामा भएको खेलमा दुवै टिमले १-१ गोलको बराबरी खेल्दै अंक बाँडेका हुन्।
खेलको ३३ औँ मिनेटमा लाओसका कप्तान बौनफाचन बौनकोङले गोल गर्दै आफ्नो टोलीलाई सुरुवाती अग्रता दिलाएका थिए। तर दोस्रो हाफमा नेपाल खेलमा फर्कियो।
नेपालका लागि अञ्जन विष्टले कीर्तिमानी गोल गर्दै खेल बराबरीमा ल्याए। उक्त गोल नेपालको हार टार्नका लागि निर्णायक बन्यो।
खेलमा नेपालविरुद्ध राम्रो लयमा देखिएको लाओसले गोलका केही सुन्दर अवसर गुमाएको थियो। त्यसो त नेपालले पनि सिमित अवसर सदुपयोग गर्न चुक्दा घरेलु मैदानमा अग्रताको अवसरबाट बञ्चित भयो।
भर्खरै
लोकप्रिय
