काठमाडौँ- इजरायलबाट उद्धार गरेर ल्याइएका २ सय ५३ नेपाली शुक्रबार बिहान काठमाडौँ उत्रिएपछि त्रिभुवन अन्तर्राष्ट्रिय विमानस्थलमा उनीहरुका आफन्तले स्वागत गरेका थिए।
युद्धग्रस्त इजरायलबाट नेपालीहरु फर्केपछि काठमाडौँमा आफन्तलाई भेट्न पाउँदा उनीहरुका आँखा आँसुले भरिएका थिए।
कतिपयको उदासी अनुहारमा पढ्न सकिन्थ्यो।
नेपाल एयरलाइन्सको जहाज आरए २३५४–२३० बाट शुक्रबार बिहान २ :४२ ती नेपालीहरु काठमाडौं अवतरण गरेका हुन्।
उद्धार उडानको नेतृत्व वरिष्ठ कप्तान श्रवण रिजालले गरेका थिए।
फर्किएका नेपालीलाई नेपाल प्रहरीका तीन बसमार्फत त्रिभुवन अन्तर्राष्ट्रिय विमानस्थलबाट उनीहरुका आफन्त तथा उनीहरुले चाहेको स्थानमा पुर्याइनेछ। कतिपयका आफन्त उनीहरुलाई लिन विमानस्थलमा आएका छन्।
परराष्ट्रमन्त्री एनपी साउदज्यूको नेतृत्वमा उद्धारका लागि गएको जहाज इजरायलको तेल अभिभस्थित विमानस्थलबाट दुबई हुँदै काठमाडौं फर्किएको हो।
गएको शनिबार हमासको आक्रमणमा परेर १० नेपाली विद्यार्थीले ज्यान गुमाएका थिए ।
भर्खरै
लोकप्रिय
