साँझपखः फेवाताल र आरती (तस्बिरहरु)

पोखरा – पुम्दिकोट डाँडाबाट घामको लालि खस्दै थियो। जब घामको झुल्को खस्यो टलटल टल्किरहेको फेवातालको मिनेटमै रुप बदलियो।

बराहीघाटबाट डुंगा सयर गर्दै तालबराही मन्दिर जाने आउने क्रम रोकिएको थिएन। नेपाली, भारतीय र तेस्रो मुलकबाट आएका पर्यटक डुंगा सयरमा रोमाञ्चित हुँदै थिए।

उज्यालोलाई साँझले जित्दै गयो। तालबराही मन्दिर, बराहीघाटमा बिजुली बत्ती बल्न थाल्यो। त्यसपछि सुरु भयो फेवा किनारमा आरती।

५ वर्ष अगाडि घटस्थापनाकै दिनबाट सुरु भएको आरती लेकसाइड आउने पर्यटकका लागि नयाँ प्रडक्ट बनेको छ।