काठमाडौं- त्रिकोणात्मक टी-२० सिरिजको चौंथो खेलमा युएईले नेपाललाई १ सय ६५ रनको लक्ष्य प्रस्तुत गरेको छ। टस हारेर पहिले ब्याटिङ गरेको युएईले निर्धारित २० ओभरमा ७ विकेट गुमाएर १ सय ६५ रन बनाएको हो।
युएईका लागि वृत्या अर्विन्द र बसिल हमिदले सर्विधक ४५-४५ रनको इनिङ खेल्दा आसिफ खानले १८ रन बनाए। त्यस्ते खालिद शाहले १२ रन बनाएका थिए। नेपालका लागि सोमपाल कामी र अभिनास बोहराले २-२ विकेट लिंदा करण केसी र गुल्सन झाले समान १-१ विकेट लिएका थिए।
डबल राउन्ड रोविनको आधारमा जारी प्रतियोगितामा नेपालको यो समूहचरणमा अन्तिम खेल हो। नेपालले अघिल्ला तीन खेल जितेकाले आफ्नो अपराजित यात्रा कायम राख्न मैदान उत्रिंदा युएई भने नेपाललाई हराएर एक खेल अगावै फाइनल पुग्न चाहन्छ। नेपाल भने यसअघिनै फाइनल पुगिसकेको छ। नेपाल सुरुवाती तीन खेलमा रवाफिलो जितसहित फाइनलमा पुगेको थियो।
प्रतियोगिताको पहिलो खेला नेपालले युएईलाई ७ विकेटले पराजित गर्दा दोस्रो खेलमा नेपालले हङकङलाई ६ विकेट र अन्तिम खेलमा ७९ रनले हराएको थियो। लगातार तीन जितसहित नेपाल फाइनलमा स्थान बनाउन सफल भएको छ।
भर्खरै
लोकप्रिय
