विकसित राजनीतिमाथि पूर्वराजाको व्यङ्ग्यः छिनछिनमा भुइँचालो गइरहेकाले विचार गरेर बस्नु होला

काठमाडौँ – पूर्वराजा ज्ञानेन्द्र शाहले देशमा भइरहेको गतिविधिबाट पाठ सिकेर अघि बढ्न सुझाव दिएका छन् ।

मंगलवार महाराजगञ्जस्थित निर्मल निवासमा नेपालीहरुको महान चाड विजयादशमीको अवसरमा सर्वसाधारणलाई टीका लगाइदिँदै उनले यस्तो बताएका हुन् ।

उनले व्यंग्यात्मक रुपमा देशमा भइरहेका गतिविधिप्रति लक्षित गर्दै छिनछिनमा भुइँचालो गइरहेकाले विचार गरेर बस्न आग्रह गरे ।

उनले भने, ‘सम्पूर्ण दिदीबहिनी तथा दाजुभाईहरुमा दशैँको शुभकामना दिन चाहन्छु । धेरै भन्नुपनि हुँदैन, सप्तमीको दिनमा भनेको छु । हामीले पाठ पनि सिक्नुपर्नेछ । छिनछिनमा भुइँचालो पनि आइरहेको छ । विचार गर्नुस् ।’

पूर्वराजा शाहले नेपालीहरुको महान चाड विजया दशमीको अवसरमा सम्पूर्ण नेपालीहरुमा दसैंको शुभकामना दिए ।

उनले यसअघि अपरान्ह पौने चार बजेबाट आम सर्वसाधारणलाई दशैंको टीका लगाइदिएका थिए ।