अ
+
अ
अ
-
साविक विश्व विजेता इंग्ल्यान्ड श्रीलंका विरुद्ध १ सय ५६ रनमै अलआउट भएको छ। विश्वकपको २५ औं खेलमा इंग्ल्यान्डले श्रीलंकालाई जितका लागि १ सय ५७ रनको लक्ष्य दिएको हो। यदि आज इंग्ल्यान्ड पराजित भए प्रतियोगिताको समूहचरणबाटै बाहिरिने सम्भावना बलियो हुने छ।
बैंगलोरको एम चिन्नास्वामी स्टेडिमयमा टस जितेर पहिले ब्याटिङ गरेको इंग्ल्यान्डले ३३.२ ओभरमा अलआउट भयो। टीमका लागि बेन स्टोक्सले ४३ रन बनाउनु सर्वाधिक रह्यो। त्यस्ते जोनी बेयरिस्टोले ३० तथा डेविड मलानले २८ रन बनाए।
श्रीलंकाका तिब्र बलर लाहिरु कुमारले ३ विकेट लिएका थिए। त्यस्तै कसुन रजिथा र एन्जेला म्याथ्युजले २-२ विकेट लिए। थप दोहोरो स्कोरका रुपमा मोइन अलीले १५ रन बनाउँदा डेभिड विल्ली १४ रनमा नटआउट रहे।
भर्खरै
लोकप्रिय
