पिएसजीको जितमा एम्बाप्पेको ह्याट्रिक

केलिएन एम्बाप्पेले ह्याट्रिक गरेको खेलमा पिएसजी लिग वानको शीर्ष स्थानमा उक्लिएको छ। रिम्सलाई ३-० ले हराउँदै सबै तीन गोल एम्बाप्पेले गरेका थिए।

खेलमा पिएसजीले तेस्रो मिनेटमै एम्बाप्पेको गोलमार्फत अग्रता बनायो। पहिलो हाफमा एक गोल गरेको पिएसजीका लागि दोस्रो हाफमा उनले थप दुई गोल गरे। ५९ औं मिनेटमा अग्रता दोब्बर बनाएको पिएसजीका लागि ८२ औं मिनेटमा उनले ह्याट्रिक तथा टिमका लागि तेस्रो गोल गरेका थिए।

जितपछि पिएसजी  १२ खेलबाट २७ अङ्कका साथ शीर्ष स्थानमा छ। त्यस्ते समान खेलबाट नाइस २६ अङ्कका साथ दोस्रो र मोनाको २४ अङ्कका साथ तेस्रो स्थानमा रहेको छ।