काठमाडौं- चार देश सम्मीलित महिला टी-२० अन्तराष्ट्रिय सिजमा फाइनल पुग्न बञ्चित नेपाली टोली तेस्रो स्थान सुरक्षित गर्न जापानसँग प्रतिस्पर्धा गर्दै छ। बिहान ७:१५ मा सुरु हुने खेलमा लगातार दोस्रो पटक जापानलाई हराउने ध्याउनमा नेपाल रहने छ।
नेपालले लिगचरणमा तान्जानियासँग २७ र हङकङसँग ९ विकेटले पराजित हुँदै फाइनलको अवसर गुमाएको थियो। अन्तिम खेलमा जापानलाई ६७ रनले हराएपनि नेपालले फाइनल चरणमा स्थान बनाउन सकेको थिएन। अब नेपालले तेस्रो स्थानमा रहन पुन जापानसँग खेल्न लागेको हो।
यसअघि भएको खेलमा नेपालले दिएको १ सय १४ रनको विजयी लक्ष्य पछ्याएको जापान ४६ रनमा अल आउट हुँदा नेपालले फराकिलो जित निकालेको थियो। जापानलाई सस्तैमा समेट्ने क्रममा स्पिनर संगिता राईले ५ विकेट लिएकी थिईन्।
जारी प्रतियोगितामा खराब ब्याटिङका कारण नेपाली महिला टिम धरासायि बनेको थियो। प्रतियोगिताको अन्तिम खेलमा जितसहित प्रतियोगिताको सुखद अन्तको तयारीमा नेपाली महिला टोली रहेको छ।
भर्खरै
लोकप्रिय
