नेपालको पहिलो अन्तर्राष्ट्रिय पदक विजेता धावक जितबहादुर केसीले देशसञ्चार चौतारीका क्रममा आफ्ना संघर्षका कथा, खेलकुदभित्रको राजनीति र यसभित्रका अनेकौँ आयामहरुबारे खुलेर कुराकानी गरेका छन्।
केसी कसरी नेपाली सेनामा भर्ना भए, कसरी खेलकुद क्षेत्रमा लागे र कसरी अन्तर्राष्ट्रिय पदक जित्ने अवस्थासम्म आइपुगे भन्नेबारे देशसञ्चार चौतारीका क्रममा बताएका छन्।
म्युनिख ओलम्पिकका बेला ओलम्पिक भिलेजभित्रै गोली हानेर १२ जना खेलाडीहरु ज्यान गुम्दा उनी त्यहीँ थिए। त्यसको प्रत्यक्ष वर्णन पनि उनले कुराकानीका क्रममा गरेका छन्।
सेनाबाट जागिर छाडेर राष्ट्रिय खेलकुद परिषद्मा जागिर खान पुगेको र कसरी त्यहाँ लामो समयसम्म आफू टिकिरहेँ भन्ने पनि केसीले बताएका छन्।
उनले खालि खुट्टा अन्तर्राष्ट्रिय स्पर्धामा दौडँदाको खल्लो अनुभव पनि देशसञ्चारका क्रममा सेयर गरेका छन्।
पूरा भिडियो:
भर्खरै
लोकप्रिय
