काठमाडौँ – ललितपुरको खोकनाको रुद्रायणीदेवीको १२ वर्षे मेलाअन्तर्गत नाच प्रदर्शनी गरिएको छ।
बिहीबार अपराह्न साढे ३ बजे खोकनाको रुद्रायणी मन्दिरबाट नृत्यसहित प्रस्थान गरेको टोली खोकना बसपार्क, दोबु, खोकनाको सिरान मूलबाटो, खोकना दोबाटो, वाईवाई पिपलवोट, रुद्रायणी मार्ग, व्यवसायिक प्रशिक्षण केन्द्र, नख्खु पुल, चक्रपथ हुँदै साँझ साढे ६ बजे महालक्ष्मी मन्दिर पुगेको थियो।
मेलालाई साँझ करिब साढे ६ बजे महालक्ष्मी मन्दिरमा देवगनकाे वस्त्र तथा मुकुट लगाएर पूजा गरिएपछि ललितपुर महानगरपालिकाका नगर प्रमुख र उपप्रमुखले स्वागत गरेका थिए।
त्यसपछि साँझ करिब ७ बजे ललितपुर महानगरको स्वागतपछि पाटन अस्पताल इटी चोक, प्रयाग पोखरी चोक, टंगल हुँदै टोली मंगलबजार मुल्चोक प्रवेश गरेको थियो। त्यसपछि मुल्चोकमा नृत्य प्रदर्शन गरिएको थियो।
रुद्रायणीको नाच शुक्रबार पनि पाटनमा देखाइने छ।
भर्खरै
लोकप्रिय
