काठमाडौँ- ललितपुरको होटल स्क्वायरको स्विमिङ पुलमा पौडी खेल्ने क्रममा घाइते भएका सजिलमान शाक्यको घटनामा होटल पक्ष दोषी रहेको भन्दै पीडितका आफन्त तथा शुभेच्छुकहरुले मंगलबार जावलाखेल प्रहरी कार्यालयअगाडि प्रदर्शन गरेका छन्।
घटनाको पाँच महिनापछि बल्ल यस प्रकरणमा होटलकी सञ्चालिका ललिता भण्डारी देवकोटा पक्राउ परेकी छन्। ललितपुर जिल्ला अदालतले पक्राउ पुर्जी जारी गरेपछि देवकोटाले प्रहरीमा आत्मसमर्पण गरेकी थिइन्।
घटनामा संलग्न रहेको आरोपमा अदालतबाट पक्राउ पुर्जी जारी भएकी रोमी अर्याल भने फरार छन्। देवकोटा अर्यालकी सासु हुन्।
प्रहरीले घटनाको अनुसन्धानका क्रममा तदारुकता नदेखाएको भन्दै पीडित पक्षले मंगलबार प्रदर्शन गरेको हो।
क्रममा सञ्चालिका ललिता भण्डारी देवकोटाले आत्मसमर्पण गरेकी छन् । जिल्ला अदालत ललितपुरबाट पक्राउ पुर्जी जारी भएसँगै भण्डारीले आत्मसमर्पण गरेकी हुन् ।
ललितपुर महानगरपालिका वडा नम्बर- ३ मा रहेको होटल स्क्वायरको स्विमिङ पुलमा पौडी खेल्दा मानभवनका सजिलमान शाक्य गम्भीर घाइते भएका थिए । भदौ १४ मा घाइते भएका उनी अहिले पनि अचेत अवस्थामा छन् ।
भर्खरै
लोकप्रिय
