अ
+
अ
अ
-
काठमाडौँ – केहीदिनअघि मोरङमा फेला परेको हिउँ चितुवा जावलाखेलस्थित सदर चिडियाखाना ल्याइएको छ। राष्ट्रिय निकुञ्ज तथा वन्यजन्तु संरक्षण विभागले शुक्रबार पत्रकार सम्मेलन गर्दै हिउँ चितुवा सदर चिडियाखाना ल्याइएको जानकारी दिएको हो।
उक्त हिउँ चितुवा यही माघ ९ गते मोरङको उर्लाबारी नगरपालिका–१ को चारघरेमा फेला परेको थियो। हिमाली क्षेत्रमा पाइने हिउँ चितुवा तराईं (समुद्र सतहदेखि १४६ मिटर उचाई)मा भेटिएको हो।
नेपालमा हिउँ चितुवा पूर्व कञ्चनजंघादेखि पश्चिम अपि नम्पा संरक्षण क्षेत्रसम्म मुख्यगरी हिमाली क्षेत्रमा पाइन्छ।
नेपाल लगायत मध्य तथा दक्षिण एसियाका १२ वटा देशहरुमा पाइने हिउँ चितुवा स्वस्थ पारिस्थितिकीय प्रणालीको सूचक एवं प्राकृतिक खाद्य श्रृंखलाको उच्च तहमा रहेको प्रजाति हो।
विश्वमा ५०० मिटर देखि ५८०० मिटरको उचाइमा र नेपालमा हिउँ चितुवा २००० मिटर देखि ६००० मिटर सम्मको उचाइमा पाइएको छ।
हिमाली क्षेत्रको १२ वटा संरक्षित क्षेत्रहरु तथा आसपासका क्षेत्रहरुमा करिब १२,८१५ वर्ग कि. मि. सम्भावित वासस्थान रहेको छ ।
यसको संख्याको वितरणको आधारमा पूर्व कञ्चनजंघा देखि पश्चिम अपि नम्पा संरक्षण क्षेत्र सम्मको हिउँ चितुवाको वासस्थानलाई पश्चिमी भूपरिधि, मध्य भूपरिधि र पूर्वी भूपरिधिमा विभाजन गरिएको छ। विश्वमा यसको अनुमानित संख्या ३९२१ देखि ६२९० रहेको छ।
नेपालमा ३०१ देखि ४०० संख्या सम्म रहेको अनुमान गरिएको छ।
भर्खरै
लोकप्रिय
