भारत र इंग्ल्यान्डबिच जारी पाँच खेलको टेस्ट सिरिजको पहिलो खेलमा भारतले राम्रो प्रदर्शन गरेको छ। पहिलो इनिङको दोस्रो दिन भारतले इंग्ल्यान्ड विरुद्ध १ सय ७५ रनको अग्रता बनाएको छ।
हैदराबादमा जारी खेलमा भारतका लागि केएल रारहुल ८६ तथा यशस्वी जैशवाल ८० रन बनाएर आउट भए। दोस्रो दिनको खेल सकिंदा भारतले ७ विकेट गुमाएर ४ सय २१ रन बनाएर खेलिरहेको छ। दिनको खेल सकिंदा रभिन्द्र जडेजा ८१ तथा अक्षर पटेल ३५ रनमा अविजित छन्। इंग्ल्यान्डका लागि टोम हार्टली र जो रुटले समान २-२ विकेट लिए।
त्यसअघि पहिलो इनिङमा इंग्ल्यान्ड बिहीबार २ सय ४६ रनमा समेटिएको थियो। इंग्ल्यान्डका लागि बेन स्टोक्सले ७० रन बनाउँदा जोनी ब्यरिस्टोले ३५ रन बनाएका थिए। पहिलो दिननै जबाफी ब्याटिङ सुरु गरेको भारतले दिनको खेल सकिंदा सम्म १ विकेट गुमाएर १ सय १९ रन बनाएको थियो। दोस्रो दिन भारतले थप ३ सय २ रन जोड्दा ६ विकेट गुमायो।
भर्खरै
लोकप्रिय
