पोखरा- आहा रारा पोखरा गोल्डकपमा सोमबार मनाङ मर्स्याङ्दी क्लबसँग जावलाखेल युथ क्लबको प्रतिस्पर्धा हुँदैछ। पोखरामा जारी २३ औं संस्करणको प्रतियोगिताको तेस्रो क्वार्टरफाइनल खेलमा मनाङ मर्स्याङ्दी र जावलाखेल आमनेसामने हुन लागेका हुन्।
खेल आज दिउँसो साढे २ बजे पोखरा रंगशालामा हुनेछ। यी दुईबीचको विजेताले अन्तिम चारमा स्थान सुरक्षित गर्नेछ।
जावलाखेल युथ क्लबले प्रिक्वार्टरमा मच्छिन्द्र फुटबल क्लबलाई १- ० गोलअन्तरले पराजित गर्दै अन्तिम आठको यात्रा तय गरेको हो। मनाङ मर्स्याङ्दी भने बाइ पाएर क्वार्टरफाइनलमा पहिलो खेल खेल्दैछ।
आहारारा पोखरा गोल्डकपान यी २ टोली एक पटकमात्रै आमनेसामने भएका छन्।
२०६८ सालमा पहिलो पटक सहभागी जावलाखेल फाइनलमा मनाङ मर्स्याङ्दीसँग फाइनलमा २-० गोलअन्तरले पराजित हुँदै इतिहास रच्नबाट चुक्यो। त्यसपछि हालसम्म पनि जावलाखेल उपाधिविहिन यात्रामा छ ।
मनाङ मर्स्याङ्दी यो क्षेत्रमा कुनैबेला चर्चितसँगै आहारारा पोखरा गोल्डकपको सर्वाधिक विजेता टोली हो। मनाङले हालसम्म आहारारा पोखरा गोल्डकपमा ६ पटक विजेता र ५ पटक उपविजेता भएको छ। मनाङ २०५८ सालमा भएको क्याराभान कपबाटै सहभागि भएको टोली हो।
भर्खरै
लोकप्रिय
