सिमकोट – जिल्लाका चार वटा गाउँपालिकाका सामुदायिक विद्यालयमा हिउँदे बिदापछि विद्यालयमा बुधबारबाट पठनपाठन सुरु भएको छ।
फागुन २ गतेबाट विद्यालय सञ्चालनमा आएको भए पनि यो बीचमा विद्यार्थी भर्ना गरिएको कारण कक्षा सञ्चालन ढिलो गर्नुपरेको हो।
गाउँपालिका शिक्षा युवा तथा खेलकुद शाखाका नायब सुब्बा कृष्णप्रसाद आचार्यले बुधबारबाट गाउँपालिकाका सबै विद्यालयमा पठनपाठन सुरु भएको बताए।
यसअघिका गत मंसिरमा बसेको प्रधानाध्याकको बैठक फागुन १६ गतेबाट नयाँ शैक्षिक सत्रको पठनपाठन अनिवार्य सुरु गर्ने निर्णय गरेको थियो।
फागुन २ गतेबाट सबै विद्यालयहरु सञ्चारलमा आएर भर्ना गरेको र अब भर्ना अन्तिम चरणमा पुगेकाले पढाई सुरु हुनेछ। सिमकोट गाउँपालिकामा सामुदायीक विद्यालयहरु २१ वटा रहेका भने चार वटा संस्थागत विद्यालय रहेका छन्। यी सबै विद्यालयमारुमा पठनपाठन सुरु हुनेछ।
यी विद्यालयमा तीन हजार विद्यार्थी अध्ययन गर्दै आएका छन्। विद्यालय भने हिउँदे बिदापछि फागुन २ गतेबाट सञ्चालनमा आएका थिए।
पुस १६ गतेबाट हिउदे बिदा सुरु भएको थियो। यता खार्पुनाथ गाउँपालिकाका सामुदायिक विद्यालयहरुमा पनि बुधबारबाट पठन पाठन सुरु भएको छ।
उक्त गाउँपालिका शिक्षा शाखाका प्रमुख ललितजंग शाहीले १७ वटा विद्यालयमा पढाई सुरु भएको बताउदै यसबाट दुई हजार आठ सय विद्यार्थीको पढाइ सुरु भएको बताए।
त्यसैगरी, सर्केगार्ड गाउँपालिकाका ३२ वटा सामुदायिक विद्यालयमा पनि फागुन १६ गतेबाट पढाइ सुरु भएको शिक्षा शाखा प्रमुख वीरजंग शाहीले बताए। यता, चङ्खेली गाउँपालिकाका २६ वटा विद्यालयमा पनि भोलिबाट पठनपाठन सुरु हुने भएको छ।
त्यसैगरी ताँजाकोट गाउँपालिकाकासामुदायिक विद्यालय भने फागुन ९ गतेबाट पढाइ सुरु भएको सो गाउँपालिका शिक्षा शाखाका प्रमुख जयरुद्ध ढकालले जानकारी दिए।
भर्खरै
लोकप्रिय
