सिमकोट – उत्तरी नाम्खा गाउँपालिकाले आफ्नो टोल फ्रि नम्बर सञ्चालनमा ल्याएको छ। गाउँपालिकाका बारेमा जानकारी लिन र गुनासोहरु ब्यक्त गर्न टोल नम्बर गाउँपालिकाले सञ्चालनमा ल्याएको हो।
गाउँपालिका निमित्त प्रशासकीय अधिकृत प्रदिप रावतले गाउँपालिकाले पैसा नलाग्ने निःशुल्क टोल फ्री नम्बर सञ्चालनमा ल्याएको बताए। गाउँपालिकाको उक्त टोल फ्रि नम्बर १८१०५०००३४४ रहेको छ। यसमा सेवाग्राीही जो सुकैले गाउँपालिकाबारे जानकारी जति खेर पनि लिन नसकिने गाउँपालिकाले जनाएको छ।
त्यसैगरी गाउँपालिकाका कुनै गुनासो, प्रतिकृया, सुझाव, सल्लाह, राय दिन सकिनेछ। सेवा प्रबाहका क्रममा भोगिएका समस्याका बारेमा पनि जानकारी गराउन सकिनेछ। बिशेष गरि गाउँपालिका बिकासे गतिबिधिका बारेमा सुझाज दिन समेत आग्रह गरेको छ। यसरी निःशुल्क टोल फ्रि नम्बर राख्ने नाम्खा गाउँपालिका पहिलो गाउँपालिका भएको छ।
भर्खरै
लोकप्रिय
