सहिद थप्ने निर्णयको विरोध गर्दै विद्यार्थीले जलाए प्रधानमन्त्री र गृहमन्त्रीको पुतला (तस्बिरहरु)

काठमाडौँ – नेपाली कांग्रेसनिकट विद्यार्थी संगठन नेपाल विद्यार्थी संघले प्रधानमन्त्री पुष्पकमल दाहाल र गृहमन्त्री रवि लामिछानेको पुतला जलाएको छ।

सहिदहरु थप्ने सरकारको निर्णयको विरोध गर्दै विद्यार्थीहरुले प्रधानमन्त्री र गृहमन्त्रीको पुतला जलाउँदै प्रदर्शन गरेका हुन्। उनीहरुले आइतबार साँझ काठमाडौँको प्रदर्शनीमार्गस्थित आरआर क्याम्पसअघि प्रदर्शन गरेका हुन्।

सरकारले २ हजार ६७४ सहिद थप गर्ने निर्णय गर्दै राजपत्रका नामावलीसमेत प्रकाशित गरेको थियो।