काठमाडौँ – यतिबेला मुस्लिम धर्मावलम्बीको महान पर्व रमदान चलिरहेको छ। मुस्लिम धर्मावलम्बीहरुले आज रमदानअन्तर्गत पहिलो शुक्रबारको प्रार्थना गरेका छन्।
एक महिनासम्म चल्ने यो पर्वमा मुसलमान समुदाय दिनमा निराहार बस्छन्।
रोजा बस्न मुसलमान समुदायले उर्दू क्यालेण्डरअनुसार बिहान ४ः१० बजेदेखि बेलुका ६ः२० बजेसम्म निराहार (रोजा) बस्नुपर्छ।
शरीरलाई चोखो राखेर मात्र रोजा बस्नुपर्छ। रोजाको समय दैनिक सूर्य उदाउने र अस्ताउने समयसँगै समय तालिक पनि परिवर्तन भइरहन्छ।
रोजा बस्न बिहान तोकिएको समयअगावै र बेलुका तोकिएको समयपछि आहार लिने गर्दछन्। रमदान उर्दू क्यालेण्डरअनुसार हिजरी सम्वत् १४४४ हो भने रमदान महिना नवौँ महिना हो।
रमदान महिनामा नै मुसलमान समुदायको सबैभन्दा ठूलो ग्रन्थ कुरान अवतरण भएको हो भने यो महिनामा अल्लाहको कृतज्ञता प्राप्त हुने विश्वास गरिन्छ।
दान दिनु गरिब र दीन दुःखीलाई सेवा गर्नु, जकात निकाल्नु यो महिनाको ठूलो विशेषता हो।
यसैबीच, शुक्रबार काठमाडौँको घण्टाघरस्थित काश्मिरी मस्जिदमा इस्लाम धर्मावलम्बीहरुले प्रार्थना गरेका छन्।
भर्खरै
लोकप्रिय
