पञ्जाव किंग्सले इन्डियन प्रिमियर लिग (आइपिएल) मा सुखद सुरुवात गरेको छ। शिखर धवनको कप्तानीमा रहेको पञ्जावले शनिबार भएको दिनको पहिलो खेलमा दिल्ली क्यापिटल्सलाई ४ विकेटले पराजित गरेको हो।
पञ्जावको घरेलु मैदान मोहाली स्थित यादवेन्द्र सिंह स्टेडियममा टस हारेर पहिले ब्याटिङ गरेको दिल्लीले निर्धारित २० ओभरमा ९ विकेट गुमाएर १ सय ७४ रन बनाएको थियो। जवाफमा उक्त लक्ष्य पञ्जावले ४ बल बाँकी हुँदा ६ विकेट गुमाएर पुरा गर्यो।
पञ्जावको जितमा साम कुरानले ४७ बलमा ६३ रनको सानदार इनिङ खेले। त्यस्तै लियम लिभिङस्टोनले ३८ रनको नटआउट इनिङ खेल्दा प्रभसिम्रन सिंहले २६ रन तथा शिखर धवनले २२ रन बनाए। दिल्लीका लागि खलिल अहमद, कुलदिप यादवले समान २-२ विकेट लिंदा इशान किसनले १ विकेट हात पारेका थिए।
त्यसअघि पहिले ब्याटिङ गरेको दिल्लीका लागि साहि होपले ३३ रन बनाउनु सर्वाधिक रह्यो। त्यस्तै डेभिड वार्नरले २९ रन बनाउँदा मिचेल मार्सले २० रन बनाए। त्यस्तै ऋषव पन्तले १८ रन बनाउँदा अक्षर पटेलले २१ तथा अभिषेक पोरेलले ३२ रन बनाएका थिए। पञ्जावका अर्सदिप सिंह र हर्सल पटेलले २-२ विकेट लिएका थिए।
शनिबारकै दोस्रो खेलमा अहिले कोलकाता नाइट राइडर्स र सनराइजर्स हैदराबाद प्रतिस्पर्धा गरीरहेका छन्। टस हारेर कोलकाता ब्याटिङ गरीरहेको छ।
भर्खरै
लोकप्रिय
