वसन्तपुरमा होलीको रौनक (तस्बिरहरु)

काठमाडौँ – आज होली पर्व। नेपालीहरूको हर्षोल्लासको पर्व काठमाडौँ उपत्यकासहित देशैभर मनाइँदैछ।

यसैक्रममा काठमाडौँस्थित वसन्तपुरमा पनि हर्षोल्लासका साथ होली पर्व मनाइएको छ। दरबार क्षेत्रमा उपस्थित भएका मानिसहरूले एकले अर्कालाई रंग दली शुभकामना आदानप्रदान गरेका थिए।

फागु पूर्णिमाको अवसरमा देशका पहाडी भूभागमा होली खेलेर मनाइँदैछ। आज पहाडी जिल्लामा र भोलि तराईका जिल्लामा होली खेलेर यो पर्व मनाउने परम्परा छ।

असत्यमाथि सत्यको विजयको प्रतिक, पारिवारिक एवं सामाजिक एकताको पर्वका रूपमा पनि यो पर्व मनाउने प्रचलन छ।

एक, अर्काबीचमा रङ दलेर होली पर्व मनाउने गरिन्छ। यतिबेला काठमाडौँका विभिन्न स्थानमा होली हर्षोल्लासमय समय छ।