काठमाडौं- नेपाली राष्ट्रिय क्रिकेट टोली र आयरल्यान्ड वल्भेसबिचको पहिलो टी-२० खेलमा आयरल्यान्डले नेपाललाई १ सय २२ रनको लक्ष्य प्रस्तुत गरेको छ।
टस जितेर पहिले ब्याटिङ गरेको आयरल्यान्डको ‘ए’ टोलीले निर्धारित २० ओभरमा अलआउट हुँदै १ सय २१ रन बनाएको थियो। टियू मैदान कीर्तिपुरमा टस जितेको आयरल्यान्डका लागि कुनै पनि खेलाडीले गतिलो स्कोर बनाउन सकेनन्। उसका लागि स्टेफन डोहेनीले ४६ रन बनाउनु सर्वाधिक रह्यो।
उनी बाहेक थोमस मयस र लियम म्याकार्थीले समान १६-१६ रन बनाए। नेपालका लागि ललित राजवंशी र गुल्सन झा तथा कुशल भुर्तेलले समान २-२ विकेट लिंदा करण केसी र कुशल मल्लले १-१ विकेट हात पारे। नापलका ८ खेलाडीले बलिङ गरेका थिए।
नेपाल भ्रमणमा रहेको आयरल्यान्डले राष्ट्रिय टोलीसँग २ खेलको टी-२० सिरिज खेल्दा नेपाल ‘ए’ टोलीसँग समान ३-३ खेलको टी-२० र एकदिवसीय सिरिज खेल्ने कार्यतालिका रहेको छ। टी-२० विश्वकपको तयारीमा रहेको नेपाल पछिल्लो समय आफ्नो पुरानो लयमा फर्किन प्रयासरत रहेको छ।
भर्खरै
लोकप्रिय
