काठमाडौं- गृहसचिव एक नारायण अर्यालले धार्मिक झडपकाे विषय चुनाैती बन्दै गएकाे बताएका छन्।
बुधबार बसेकाे राज्य व्यवस्था तथा सुशासन समितिकाे बैठकमा गृहसचिव अर्यालले यस्ताे बताएका हुन्।
‘एक धर्मका मान्छेले अर्को धर्मकाे आस्थामा आक्रमण गरिरहेका छन्। धार्मिक झडप बढाएका छन्। यो विषय चुनौती बनेको छ,’ उनले भने।
गृहसचिव अर्यालले व्यक्तिमा रहेका हतियार शून्यमा झार्ने नीति लिएकाे बताए।
उनले भने, ‘हडपिएको सार्वजनिक जग्गा फिर्ता ल्याउन सबै प्रशासनलाई निर्देशन गरिएको छ। हतियारको नवीकरण ५०% मात्रै छ। व्यक्तिमा रहेका हतियार शून्यमा झार्ने नीति लिइएकाे छ।’
गृहसचिव अर्यालले प्रहरी समायोजन विधेयक ल्याउने तयारी भइरहेको जानकारी दिए।
उनले बालकुमारी घटनाको प्रतिवेदन अध्ययनको क्रममा रहेकाे पनि जानकारी दिए। गत पुस १३ गते ललितपुरको बालकुमारीमा इपिएस परीक्षा दिन पाउनुपर्ने मागसहित केही विद्यार्थीहरूले आन्दोलन गरेका थिए। आन्दोलनका क्रममा २३ वर्षीय सुजन रावत र २२ वर्षीय वीरेन्द्र शाहले ज्यान गुमाएका थिए।
भर्खरै
लोकप्रिय
