काठमाडौं- सामाजिक उत्तरदायित्वका लागि चिकित्सक, नेपाल संस्थाले प्यालिस्टाइनमा भएको इजराइलको आक्रमणको भर्त्सना गरेको छ ।
इजरायलले प्यालेस्टाइनको गाजा क्षेत्रका अस्पताल तथा स्वास्थ्य क्षेत्रमा गरेको बमबारीको नेपाली चिकित्सकले भर्त्सना गर्दै र्याली गरेका हुन् ।
शुक्रबार दिउँसो भएको उक्त र्याली त्रिवी शिक्षण अस्पतालदेखि लाजिम्पाटस्थित इजराइली दुतावासको कार्यालयसम्म पुगेको हो ।
बिरामी, स्वास्थ्यकर्मी, चिकित्सक तथा निर्दोष नागरिकको हत्या गरेको तथा स्वास्थ्य पूर्वाधार ध्वस्त पारेको भन्दै उनीहरूले ब्यानर बोकेर नारावाजी गर्दै विरोध जनाएका हुन् । उनीहरूले नरसंहार हत्या तथा हिंसात्मक गतिविधि तत्काल रोक माग गरेका हुन् ।
चिकित्सकले आफूहरू प्यालेस्टाइनी जनताको साथमा रहेको समेत बताएका छन् । इजरायलले अल अहली ब्याप्टिस्ट अस्पतालमा आक्रमण गर्दा कम्तीमा ५०० जनाको ज्यान गएको थियो । आक्रमणबाट ज्यान गुमाउनेमा बालबालिका तथा महिला थिए । इजरायलले संयुक्त राष्ट्रसंघद्वारा सञ्चालित शरणार्थीको आवासीय विद्यालयमा समेत आक्रमण गरेको थियो ।
पछिल्लो पाँच महीनादेखि जारी बमबारी र गोली प्रहारबाट ३१ हजारभन्दा बढीको ज्यान गइसकेको छ । मृतकमध्ये १३ हजारभन्दा बढी बालबालिका छन् ।
हमासले नेपाली विद्यार्थी कञ्चनपुरका विपिन जोशीलाई समेत बन्धक बनाएको छ ।
विपिनलगायत बन्धक बनाइएका सबैको रिहाइको माग गर्दै सामाजिक उत्तरदायित्वका लागि चिकित्सक, नेपाल संस्थाले विरोधका कार्यक्रमहरू गर्दै आइरहेको छ ।
थप तस्बिरहरू:
भर्खरै
लोकप्रिय
